స్వామి పరిపూర్ణానంద నగర బహిష్కరణ ఎంతవరకూ సమంజసం?

తెలంగాణా ప్రభుత్వం స్వామీ పరిపూర్ణానందను ఆరు నెలల పాటు నగర బహిష్కరణ విధించింది. శ్రీరాముడిపై అనుషిత వ్యాఖ్యలు చేసిన కత్తి మహేష్ పై ఉద్యమించిన స్వామీ పరిపూర్ణానందను ముందుగా హౌస్ అరెస్ట్ చేసి తరువాత ఆరు నెలల పాటు నగర బహిష్కరణ చేసింది. దీనికి ప్రధాన కారణం స్వామి పరిపూర్ణానంద కత్తి మహేష్ వ్యవహారాన్ని మరింత ఉదృతం చేసి మత విద్వేషాలను రగిలించేలా వ్యవహరిస్తున్నారని ఆరోపించారు.

ఎవరో ఒక అనామకుడు శ్రీరాముడిని విమర్శించడం వలన ఏమాత్రం ఆయన కీర్తి తగ్గిపోదని, గతంలోనూ ఎంతో మంది విమర్శించారని అయినంత మాత్రాన ఏ హిందువూ శ్రీరాముడిని వదిలేసారా? వదలలేదే? మరి స్వామి పరిపూర్ణానందకు ఎందుకింత ఆవేశం? ఆ విమర్శలను అక్కడితో వదిలేస్తే సరిపోయేది. కాని ఈ స్వామి పరిపూర్ణానంద చేస్తున్న పనుల వలన కత్తి మహేష్ హైలైట్ అవ్వడం "శ్రీరాముడు" ప్రజలలో చులకన అవ్వడం ఎక్కువ జరుగుతుంది. ఇప్పటికైనా స్వామి పరిపూర్ణానంద సమస్యలను ఉదృతం చేయడం మానుకోవాలంటూ కొంతమంది అభిప్రాయపడుతున్నారు. ఇదంతా తెలంగాణ ప్రభుత్వం దృష్టిలో పెట్టుకుని స్వామి పరిపూర్ణానందను ఆరు నెలల పాటు నగర బహిష్కరణ విధించి ఆంధ్రా(కాకినాడ ఆయన ఆశ్రమాని)కి పంపివేయడం జరిగిందని తెలుస్తోంది.