Monday, August 28, 2017

అక్కడ డేరా బాబా...ఇక్కడ జగన్ బాబా అన్న ఆంధ్రా ముఖ్యమంత్రి చంద్రబాబు కామెంట్ పై మీ స్పందన ఏమిటి?

కాకినాడ మున్సిపల్ ఎలక్షన్స్ ప్రచారంలో పాల్గొన్న సి.ఎం. చంద్రబాబు పై విధంగా విమర్శిస్తూ ప్రజలలో వ్యంగ్యం ప్రదర్శించారు.

బాబా అవతారం ఎత్తి అరాచకాలకు పాల్పడ్డ డేరా సచ్ఛా సౌధా చీఫ్ గుర్మీత్ రామ్ రహీమ్ సింగ్ కు కేవలం 10 ఏళ్ల జైలు శిక్ష మాత్రమే విధించడం న్యాయమైన తీర్పేనా?

baba-Ram-Rahim-receives-10-Years-Jail-Sentence-rachabanda
బాబా అవతారం ఎత్తి అరాచకాలకు పాల్పడ్డ డేరా సచ్ఛా సౌధా చీఫ్ గుర్మీత్ రామ్ రహీమ్ సింగ్ కు 10 ఏళ్ల జైలు శిక్ష పడింది. తన ఆశ్రమంలో సాద్వీలుగా కొనసాగుతున్న ఇద్దరు మహిళలపై అత్యాచారాలకు పాల్పడటమే కాకుండా హత్యారోపణలు ఉన్న గుర్మీత్ సింగ్ ను దోషిగా తేలుస్తూ మొన్న పంచకులలోని సీబీఐ ప్రత్యేక న్యాయస్థానం తీర్పు చెప్పిన సంగతి తెలిసిందే. అయితే నాడు శిక్షను ఖరారు చేయని కోర్టు... ఏ తరహా శిక్ష వేయాలన్న విషయాన్ని నేటికి వాయిదా వేస్తూ తీర్పు  చెప్పింది. అయితే గుర్మీత్ ను దోషిగా తేల్చిన మరుక్షణమే అతడి అనుచర వర్గం ఉత్తర భారతంలో చేసిన ఆగడాలతో దేశం అట్టుడికిపోయింది. రాష్ట్రపతి రామ్ నాథ్ కోవింద్ తో పాటు ప్రధాని నరేంద్ర మోదీ కూడా తీవ్రంగానే స్పందించారు. ఇక గుర్మీత్ అల్లరి మూకలు పాల్పడ్డ అచారకాలను అదుపు చేయలేకపోయారన్న ఆరోపణలతో ఏకంగా హర్యానా ముఖ్యమంత్రి మనోహర్ లాల్ ఖట్టర్ ప్రభుత్వానికి కేంద్రం చీవాట్లు కూడా పెట్టింది.

ఈ క్రమంలో మరోమారు అల్లర్లు  చెలరేగే ప్రమాదముందన్న భావనతో రోహ్ తక్ జైల్లోనే సీబీఐ ప్రత్యేక కోర్టును తాత్కాలికంగా ఏర్పాటు చేసిన యంత్రాంగం... అక్కడే శిక్షను ఖరారు చేసే ఏర్పాట్లను చేసింది. ఈ క్రమంలో నేటి మధ్యాహ్నం జైలు ఆవరణలో ఏర్పాటు చేసిన తాత్కాలిక కోర్టులో గుర్మీత్ కు పదేళ్ల పాటు కఠిన కారాగార శిక్ష విధిస్తూ సీబీఐ ప్రత్యేక కోర్టు న్యాయమూర్తి గుర్ దీప్ సింగ్ సంచలన తీర్పు వెలువరించారు. తీర్పు వెలువడిన వెంటనే రాక్ స్టార్ బాబాగా పేరుగాంచిన గుర్మీత్ బోరున విలపిస్తూ కోర్టు ప్రాంగణంలోనే కింద పడిపోయి తీవ్ర స్థాయిలో రోధించారట.  తాను ఏ తప్పూ చేయలేదని - నిరపరాదినని ఏడుస్తూ జడ్జికి మొరపెట్టుకున్నారు. ఇక శిక్ష ఖరారైన తర్వాత గుర్మీత్ రామ్ రహీమ్ సింగ్ కు జైలులోనే  వైద్య పరీక్షలు నిర్వహించారు.

నిబంధనల ప్రకారం ఆయనకు సెల్ ను కేటాయించి శిక్షఖైదీలకు ఇచ్చే తెల్లటి దుస్తులను అందించారు. ఇన్నాళ్లూ కళ్లు మిరుమిట్లు గొలిపేలా రంగురంగుల దుస్తులేసుకున్న బాబా మరో 10 ఏళ్లపాటు వాటికి దూరంగా ఉండాల్సిందే. ఇదిలా ఉంటే... డేరా బాబా గొప్ప సామాజిక సేవకుడని - దేశానికి ఆయన చేసిన సేవలను గుర్తించైనా నిరపరాధిగా విడిచిపెట్టాలని లేదా శిక్షను తగ్గించాలని డిఫెన్స్ న్యాయవాది వాదించారు. అయితే అత్యాచారం కేసులో దోషిగా తేలిన గుర్మీత్కు 10 ఏళ్లు తక్కువ కాకుండా శిక్ష విధించాలని ప్రాసిక్యూషన్ తరఫు న్యాయవాది జడ్జికి విన్నవించారు. ఇరు వర్గాల వాదన విన్న న్యాయమూర్తి సీబీఐ తరఫు న్యాయవాది వాదన వైపు మొగ్గి గుర్మీత్ కు పదేళ్ల జైలు శిక్ష విధించారు. 

Saturday, August 12, 2017

చైనా వస్తువులను నిషేధించడం వలన ఉపయోగం ఉందా?

చైనా వస్తువులను నిషేధించడం వలన ఎటువంటి ఉపయోగం లేదని కొంతమంది వాదన. చైనాతో వేరే విధంగా తేల్చుకోవాలి గాని ఆర్ధికంగా దెబ్బ కొట్టడం సరికాదని, అదే జరిగితే చైనా కూడా మన దేశ ఆర్ధిక వ్యవస్థపై గట్టి దెబ్బ కొట్టే అవకాశం లేకపోలేదని కొంతమంది విశ్లేషిస్తున్నారు.

కొంతమంది బ్లాగర్లయితే రెండు విధాల అభిప్రాయపడుతున్నారు.

చైనా ఎగుమతుల్లో 2.8 శాతం మాత్రమే మనదేశానికి వస్తున్నాయి.  మన దేశం మొత్తం ఎగుమతుల్లో 4.8 శాతం చైనా కి వెళుతున్నాయి. మనం చైనా సరుకులు నిషేదిస్తే వాళ్ళు నిషేదించరా ? ఎవరికి నష్టం ? అంటూ నిహారిక గారు కూడా తన బ్లాగులో అభిప్రాయం వెలిబుచ్చారు.

ఇవన్నీ పరిగణంలోకి తీసుకుని చైనా వస్తువులను నిషేధించడం పట్ల ఒక నిర్ణయానికి రావల్సిన అవసరం లేదంటారా?

Tuesday, August 8, 2017

రిజర్వేషన్ల వలన దేశానికి ఉపయోగముందా?

రిజర్వేషన్ల కారణంగా అర్హత కలిగిన వారికంటే, అర్హత లేనివారే ప్రభుత్వ సంస్థలలో కూర్చుంటున్నారు. దీని వలన ప్రభుత్వ సంస్థలలో బద్ధకస్తులు, సోమరిపోతులూ పెరిగిపోయి తుప్పుపడుతున్నాయన్న వాదన బలంగా ఉంది. మరొక విషయమేమిటంటే ఆర్ధిక స్థితిగతులను కాకుండా, అర్హతలను,నైపుణ్యాలను కాకుండా కేవలం కులాల ప్రాతి,పదికపై రిజర్వేషన్లు కలిపించడం మరీ దారుణమన్న వాదన కూడా బలంగా ఉంది.దీనికేమంటారు?