ఆటోల సమస్యకు పరిష్కారం సూచించండి.

ఒకప్పుడు ఆటో వాహనం వచ్చిన తరువాత ప్రయాణికులకు చాలా సౌకర్యంగా ఉండేది. బస్సు దిగినా, ట్రైన్ దిగినా లగేజీతో ఇంటికి పోవడానికి ఎంతో వీలుగా ఉండేది. కాల క్రమేణా ఆటోల సంఖ్య పెరిగిపోవడమో, లేక నేర ప్రవృత్తి కలిగిన వ్యక్తులు ఆటో డ్రైవర్లలా మారడమో తెలియదు గాని ప్రయాణికులకు మాత్రం ఆటో ప్రమాదీకారిగా మారిపోయింది. ఆటో వాలాలందరూ ఒకలాంటి వారు మాత్రం కాదు. తమ ప్రయాణికుల పట్ల గౌరవభావంతోనూ, నమ్మకంగానూ, నిజాయితీగాను పని చేసే మంచివారు కూడా ఉన్నారు. అలాగే గర్భిణీ స్త్రీలకు, వృద్దులకు, వికలాంగులకూ ఉచితంగా సర్వీస్ అందించే గొప్ప మనస్సున్న వారు కూడా ఉన్నారు. అయితే అత్యధికులు ప్రమాదకరమైన వారే ఉన్నారు. ఒంటరిగా ఆడది ఆటో ఎక్కితే చాలు... అత్యాచారాలకు పాల్పడే వాళ్ళు కూడా ఉన్నారు. నిలువునా దోచుకునే వారు సైతం కూడా ఉన్నారు. రాను,రానూ వీళ్ళ నేరముల సంఖ్య పెరుగుతూనే ఉంది. ఇటువంటి సమస్యలకు ఎటువంటి పరిష్కారం సూచించాలో తెలియజేయగలరు? ప్రయాణికుల భద్రతకు జాగ్రత్తలు సూచించగలరు?