మానవత్వం మంటగలుస్తోందా?

ఈమధ్య కాలంలో కొన్ని సంఘటనలు అసలు మానవత్వం అనేది బ్రతికి ఉందా ? అనే సందేహాన్ని కలిగించాయి. ఒక తండ్రి తన రాక్షస బుద్ధిని ఉపయోగించి కడుపున పుట్టిన కన్నకూతురినే మానభంగం చేసి మరీ చంపాడు. మరొక చోట తన రెండో భార్యతో కల్సి మొదటి భార్యకు పుట్టిన తన కన్నకూతురి ముఖంపై యాసిడ్ దాడి చేసిన తండ్రి ఉదంతం, కొత్త ప్రియుడికోసం మాజీ ప్రియుడిని హతమార్చాలనుకున్న ఓ ప్రియురాలి దురాగతం...ఏదో ఒక చోట అతికిరాతకంగా బలవుతున్న ఆడకూతుర్ల ఆర్తనాదాలు ఇవన్నీ వెరసి నేటి సమాజాన్ని చీకటి కోణంలోకి నెట్టివేశాయి. మానవత్వాన్ని మంటకలిపేశాయి. ఈ దారుణ పరిస్థితుల ప్రభావానికి కారణం ఏమిటి? ఇటువంటి దుస్థితిని పునరావృతం కాకుండా సమూల నాశనం చేయాలంటే ఏమి చేయాలి?